સુપ્રીમ કોર્ટની આકરી ટિપ્પણી, કહ્યું- ભાડુઆત પોતાને મકાન માલિક ન સમજે

News18 Gujarati
Updated: April 1, 2021, 12:35 PM IST
સુપ્રીમ કોર્ટની આકરી ટિપ્પણી, કહ્યું- ભાડુઆત પોતાને મકાન માલિક ન સમજે
તસવીર: Shutterstock

સુપ્રીમ કોર્ટે આદેશ કરતા કહ્યું કે, જેવી રીતે આ કેસમાં તમે મકાન માલિકને પરેશાન કર્યાં છે તેને જોતા કોઈ જ રાહત આપી શકાય નહીં. તમારે પરિસર પણ ખાલી કરવું પડશે અને બાકીનું ભાડું પણ ચૂકવવું પડશે.

  • Share this:
નવી દિલ્હી: મકાન ખાલી કરવા માટે આનાકાની કરનારા એક ભાડુઆત (Tenant)ને સુપ્રીમ કોર્ટે (Supreme court) રાહત આપવાનો ઇન્કાર કરી દીધો છે. સાથે જ સુપ્રીમ કોર્ટે ટિપ્પણી કરે છે કે જેમના પોતાના ઘર કાચના હોય તેઓ બીજાના ઘરે પર પથ્થર નથી ફેંકતા. સુપ્રીમ કોર્ટના આ નિર્ણય બાદ ફરી એક વખત સાબિત થઈ ગયું છે કે મકાન માલિક (landlord) જ કોઈ મકાનનો અસલી માલિક હોય છે. આથી ભાડુઆત ગમે એટલા દિવસો સુધી કોઈ મકાનમાં રહે તેમણે એ ન ભૂલવું જોઈએ કે તેઓ માત્ર ભાડુઆત છે, મકાનના માલિક નહી.

જસ્ટિસ રોહિંગ્ટન એફ નરીમાનના વડપણ હેઠળની ત્રણ સભ્યોની ખંડપીઠે આ અંગે સુનાવણી કરતા ભાડુઆત દિનેશને કોઈ જ રાહત આપવાનો ઇન્કાર કર્યો હતો. સાથે જ આદેશ કર્યો કે તેણે પરિસર ખાલી કરવું જ પડશે. આ સાથે જ સુપ્રીમ કોર્ટે ભાડુઆત દિનેશને તાત્કાલિક બાકી રહેલું ભાડું ચૂકવી આપવા માટે આદેશ કર્યો હતો.

આ પણ વાંચો: સુરતમાં અસામાજિક તત્વોનો આતંક: યુવકનું અપહરણ કરી સળીયાથી માર માર્યો, બનાવ સીસીટીવીમાં કેદ

ભાડુઆતના વકીલ દુષ્યંત પારાશરે ખંડપીઠને જણાવ્યું કે, તેમના અસીલને બાકીની રકમ ચૂકવવા માટે સમય આપવામાં આવે. આ અંગે કોર્ટે ભાડુઆતને મુદત આપવાનો ઇન્કાર કરી દીધો હતો. કોર્ટે કહ્યું કે, જેવી રીતે આ કેસમાં તમે મકાન માલિકને પરેશાન કર્યાં છે તેને જોતા કોઈ જ રાહત આપી શકાય નહીં. તમારે પરિસર પણ ખાલી કરવું પડશે અને બાકીનું ભાડું પણ ચૂકવવું પડશે.

આ પણ વાંચો: સુરત: રૂપિયા પડાવવા 10 લોકોની ટોળકીએ ઘડ્યો ખતરનાક પ્લાન, યુવક સાથે સૃષ્ટિ વિરુદ્ધનું કૃત્ય આચરી વીડિયો બનાવ્યો

હકીકતમાં ભાડુઆતે છેલ્લા ત્રણ વર્ષથી ભાડાની રકમ આપી ન હતી. આ ઉપરાંત તે દુકાન પણ ખાલી કરી રહ્યો ન હતો. આખરે દુકાન માલિકે કોર્ટનું શરણ લીધું હતું. નીચલી કોર્ટે ભાડુઆતને બે મહિનામાં દુકાન ખાલી કરીને બાકીનું ભાડું ચૂકવવાનો આદેશ કર્યો હતો. જોકે, ભાડુઆતે કોર્ટનો આદેશ માન્યો ન હતો.


આ પણ વાંચો: બિલ્ડર જીતુ પટેલ અપહરણ કેસ: વલસાડ પોલીસ અને ગુજરાત ATSએ એક પણ રૂપિયો આપ્યા વગર બિલ્ડરને છોડાવ્યા


ગત વર્ષે જાન્યુઆરીમાં મધ્ય પ્રદેશ હાઇકોર્ટે ભાડુઆતને આશરે નવ લાખ રૂપિયા જમા કરવા માટે ચાર મહિનાનો સમય આપ્યો હતો. જોકે, આ આદેશનું પણ ભાડુઆતે પાલન કર્યું ન હતું. જે બાદમાં ભાડુઆત સુપ્રીમ કોર્ટ પહોંચ્યો હતો. સુપ્રીમ કોર્ટે તેની અરજી ફગાવી દેતા તાત્કાલિક ભાડું ચૂકવીને દુકાન ખાલી કરવાનો આદેશ કર્યો છે.
Published by: Vinod Zankhaliya
First published: April 1, 2021, 12:35 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading