Chardham Yatra: ઉત્તરાખંડ (Uttarakhand) ના ચારધામો (Chardham) માંથી 3 હાઉસફૂલ, ગંગોત્રી (Gangotri), યમુનોત્રી (yamunotri) અને કેદારનાથ (Kedarnath) માટે નિર્ધારિત સંખ્યામાં શ્રદ્ધાળુઓનો ક્વોટા 3 જૂન સુધી પૂર્ણ થઈ ગયો છે. જેના કારણે આ જગ્યાઓનું રજીસ્ટ્રેશન હાલ પૂરતું બંધ કરી દેવામાં આવ્યું છે. આ દરમિયાન, બદ્રીનાથ માટે ભક્તોનું રજિસ્ટ્રેશન હજુ ચાલુ છે. ઋષિકેશમાં ISBT ખાતે ઉત્તરાખંડ સ્ટેટ ડિઝાસ્ટર રિસ્પોન્સ ફોર્સ (SDRF) દ્વારા ગુરુવારે આ માહિતી મુસાફરોને જાહેરાત સિસ્ટમ દ્વારા આપવામાં આવી હતી.
સ્થળ પર હાજર એસડીઆરએફના જવાનોએ જણાવ્યું કે, બદ્રીનાથ સિવાય, અન્ય ત્રણ ધામો માટે દિવસ માટે નિર્ધારિત મુસાફરોની સંખ્યાનો ઓનલાઈન અને ઓફલાઈન ક્વોટા 3 જૂન સુધી ભરાઈ ગયો છે, તેથી હાલ માટે નોંધણી બંધ કરી દેવામાં આવી છે. જો કે ભક્તોની ભીડ યથાવત છે. ISBT થી દરરોજ હજારો યાત્રાળુઓ પ્રસ્થાન કરી રહ્યા છે, પરંતુ જેટલા લોકો જઈ રહ્યા છે, એટલા જ ફરીથી ISBT પહોંચી પણ રહ્યા છે.
આ દરમિયાન, દેહરાદૂન જિલ્લા મેજિસ્ટ્રેટ આર રાજેશ કુમારે કહ્યું કે, આ બધું માત્ર શ્રદ્ધાળુઓની સુવિધા માટે કરવામાં આવી રહ્યું છે. તેમણે કહ્યું કે, ચાર ધામમાં નિર્ધારિત સંખ્યામાં યાત્રિકો મોકલીને તેઓ વિના સંકોચ ભગવાનના દર્શન કરી શકે છે અને સુખદ અનુભવ સાથે પરત ફરી શકે છે.
આરામથી ભગવાનના દર્શન કરો
ચારધામ યાત્રાથી પરત ફરેલા મધ્યપ્રદેશના રતલામના લગભગ 70 ભક્તોની ટીમના વડા એસકે શુક્લાએ જણાવ્યું હતું કે, તમામ ધામોમાં ભગવાન ખૂબ જ આરામથી જોવા મળ્યા હતા અને તેમને કોઈ ભીડ જોવા મળી નથી. આ સાથે તેમણે સરકાર દ્વારા કરાયેલી વ્યવસ્થાઓની પ્રશંસા કરી હતી. આ દરમિયાન, હરિદ્વારમાં જગ્યાના અભાવને કારણે, તીર્થયાત્રીઓ અને પ્રવાસીઓ ઋષિકેશ પાછા વળ્યા છે, જેના કારણે ઋષિકેશ અને તેની આસપાસના સ્થળોએ ભીડનું દબાણ વધી રહ્યું છે.
આ પણ વાંચો - ગુપ્તચર વિભાગે આપ્યું મોટું Alert : યાસીન મલિકની સજાના વિરોધમાં થઈ શકે છે મોટો આતંકવાદી હુમલો આ અણધારી પરિસ્થિતિનો સામનો કરવા માટે પોલીસે દિલ્હી, ઉત્તર પ્રદેશ, હરિયાણા અને હિમાચલ પ્રદેશથી રાજ્યમાં આવતા વાહનો માટે રૂટ પ્લાન જાહેર કર્યો છે, જેનો અમલ દહેરાદૂન, હરિદ્વાર, પૌરી અને ટિહરી જિલ્લાની પોલીસે કરવાનો છે. આ સ્પેશિયલ ટ્રાફિક પ્લાન ઋષિકેશ અને મુનિકેતિના પોલીસ કંટ્રોલ રૂમમાંથી ઓપરેટ કરવામાં આવશે.
